ليلة خميس

الخميس يوم غير ايام الاسبوع كلها special عند الكل يعني بتلاقي الولاد الصغار يوم الخميس بلعبو و المراهقين بالمولات عم بزبطو بنات هههه و الكبار .... بالبارات و النوادي الليلية .....

عادة صراحة انا بكون طالع مع اصدقائي مشان نروح كل ضغط الاسبوع كامل من هم و دراسة و شغل بس اليوم قررت ما اعمل ولا شي بدي بس اعد بالبيت !!! كل البيت فاضي ما في حدا ... اعدت عالتلفزيون ( انا و التلفزيون اعداء ... ما بحبو ابدا ) ما في شي كلو ملل بعدين رحت على صديقي العزيز الراديو لقيت اشياء حلوة و مسلية بس زهقت و اعدت على الانترنت الكل طالع الفيس بوك ممل مشان كل الناس برة و هلا اعد بكتب بمدونتي المكان الوحيد الي بكون على حريتي ... المكان الوحيد الي بطلع ال stress 100% مفي ... مشان للاسف ما بقدر ابين او افش خلقي بحدا مشان انا مشاكلي من نوع اخر مشاكلي مو مع الاشخاص و لا مع المكان و الزمن ... مشكلتي مع نفسي انا ... والله يا جماعة اصعب شي تكون في حالة خصام مع نفسك ... عادة لما احس بالشعور الي بحسو هلا بعمل اس شي بسيط متل طلعة او بروح عامسبح او بنزل عند اصدقائي مشان انسى بس للاسف اليلة حاسس انو انا مقيد وحيد ... عندي اصدقاء لكنهم ليسو بأصدقاء عنما يعرفو حقيقتي ... اشعر بالوحدة القاتلة ...:. حبذا حبذا حبيب تحملت منه الاذى ..... يمكن الزمن عم بمشي و انا بمكاني و موقفي من نفسي مش عن يتغير ... الاصدقاء و الاحباب و الاقارب كل واحد ملاقي شريك حياتو و انا وحيد ... شريكي بالحياة هو الموسيقى و الانترنت و الكتاب يمكن تفكروني تافه بس الشخص ببني مملكته بأيدو يعني لمل ما يكون في شريك للحياة الواحد بختلق شريك .... بنفس الوقت المستقبل المخبى الواحد مش عارف شو رح يصير فيه !! هل سوف يكون وحيد و يكون محافظ و ما عمل شي يغضب ربه ولا يكون مليان بالاصجقاء الحقيقيين و شريك حياة حقيقي بس يخسر رضا الله ؟؟ الخيار كتير صعب بس اكيد الواحد رضا الله اهم شي عندو ...

بتعرفو مبارح كنت بحضر المسلسل السوري الي بعشقه ... اهل الغرام ( من اجمل المسلسلات العربية بشكل عام المسلسلات السورية احمل بكتير من المصرية ... المسلسلات المصرية خلص وقتها) المهم حلقت مبارح كانت من اجمل و اروع الحلقات .... حلقة شخص اهم شي عندو العضلات و القوة و بالرومنسية صفر ... بتقدر تحكي انو متلي انا اهم شي عندي القوة و الجسم و اخر همي الرومانسية ... المهم الشب بحب بنت بس مش عارف يطبقها ببلش يسرق شعر مشان يهديها ايا و هيك المهم الحلقة اثرت فيي كتيييير و خلتني احب الحب ههههه البطل كان قصي خولي من اكتر الناس الي بعشقهم نفسو اشوفو و اضل عابطو هههههه رهيب هدا الانسان

يلا يا اصدقاء اليوم حابب اكمل وحدتي و بدي انزل امشي بالشارع و اشم شوية هوا .... مين بدو يجيي يمشي معاي و نفضفض لبعض ؟؟

OMG !!!

هلا اكيد كل واحد فينا عندو براسو شكل الشخص الي نفسو يكون معو ... يعني كل واحد فينا حاطط ببالو امير احلامو هههههه بس كتير صعب تلاقي و ازا لقيت واحد بكون في شي ناقص ... اتمنى يصير مع الكل متل ما صار معاي مبارح

مبارح يا حبايبي كنت gym و شوبان و قرفان و نفسي اسبح بس مش قادر مشان ما بدي اعدي الناس المهم دخلت على غرفة الغيار و كان معاي المدرب عن نتحدث عن موضوع شخصي و لا فجأة حسيت حالي بحلم انو كنت احكي مع المدرب و فجأة سكتت و ضعت بعالم اخر ... سامع صوتو بحكيلي كمل كلامك مالك سكتت .. ولاك مالك !! هلا بهاي اللحظة انا كنت شايف الشخص الي بدور عليه من 6 سنين شب متل ما بحب بالزبط ... طويل اسمر سمار بجنن لون عنيه سود عضل معتدل مش كتير مضخم حالو ... عندو المعدة مفصلة و الجسم واااااااو و الوجه واااااااو وااااااااااااو يعني الشب بالنسبه الي perfect ... هدا كلو صار بأقل من 3 ثواني بس حسيتهم سنه من كتر روعة و جمال اللحظة بس المشكلة انو كان بلبس بدو يطلع من ال gym و خايف ما يرجع :( بس ال gaydar تاعي تحرك بسرعة و اشرلي انو الشب 100% straight ... يعني ما في امل ... الشب قتلني يا اخوان طول الوقت عم بفكر فيه ... ادعو يرجع على الgym مشان انا بدي اكون المدرب و ال partner تاعو و ببلااااااااااااش هههههههه

بس متل ما كتبت انا بالبدايه ما في شي كامل مشان هيك الشب ستريت حلف الزين ما يكمل هههههه

نار الدنيا نار

كل شي بالدنيا نار !! درجة الحرارة اليوم 40 درجة و الناس مش عارفة شة تعمل يعني صراحة جهنم !! بس المشكلة مو هو المشكلة انو انا مفلوز و على حرارة و مش قادر اتنفس و الدنيا نار يعني ما بقدر افتح المكييف و لا بقدر اروح عالبركة شو الحل ؟؟ بالنسبة لموضوع الانفلونزا مبارح كنت بقرأ بكتاب قصص قصيرة ففي احدى القصص مكتوب انو في شاب كان بعاني من الانفلونزا الطويلة و لما عمل فحص طلع معا ايدز و اليوم بحكي مع صديقتي بتسألني مال صوتك اولتلها مفلوز فصارت تمزح معي و تحكيلي معاك ايدز من التخبيص تاعك " طبعا عم تمزح " المهم هون انا صرت افكر بالموضوع بجد انو انا الحمد لله ولا مرة عملت مع اي حدا لا شب ولا بنت معناتو اكيد ان شاء الله ما معاي ايدز بس اعدت افكر بالمثليين التانين الي همه متفتحين على موضوع المثلية و بمارسوها بشكل شبه يومي ... لما يمرضو ما بخافو يكون السبب هو الايدز ؟؟ الله يبعدنا و يبعدكم يا شباب و لازم دايما نتذكر انو اهم شي الحماية قبل ممارسنة الجنس لانها بتحمي 90% .... بتعرفو انو الكوندم طلع مشان االمثليين ؟؟ لانو اول ما طلع الايدز الي كان اسمو سرطان المثليين لانو ما كان يصيب غير الامثليين في اوائل الثمانينات لدرجة انو نسبو كبيرة كتير ماتت من هدول المثليين في الغرب و طبعا من اهمهم freddie mercury و حبيب george mihael (اكيد جورج مايكل معا ايدز بس مخبي مشان كيف كان حبيبو معا ايدز و هو ما نعدا مينو ؟؟) فيا شباب ضروري تهتمو بهالموضوع !! مش كنت انا احكي عن درجة الحراره كيف صرنا بالايدز :@ ههههه

نرجع لموضوع الشوب ... احلى شي بالشوب انو كل الشباب بيكونو hot بالشكل لانو انا بالنسبة الي بحب السمر و كل الشباب بالصيف بصيرو سمر واااو !! فالله يعينا كلنا على هالشوب هههههه

يلا شباب انا هلا لازم ارتاح و انام بركي طبت بس المشكلة ما بقدر اشغل المكييف يا رب يرجع الشتا بسرعة ههههه

نفسي اسافر

بتعرفو هلا الصيف شغال و درجة الحرارة بعمام يمكن 40 يعني عم مندوب شوي شوي هههه و كل الناس حولي عم بتسافر و بتروح و بتيجي و كل صحابي مسافرين الا انا !! جد جد نفسي اسافر

احدى الاسباب انو ما عم بقدر اسافر هو المصاري !!! انا طالب جامعة و بشتغل و راتبي يا دوب مكافيني طلعات و مواصلات و بعد نص الشهر بتداين من الوالد مصاري يعني يا دوب يكفيني مصروفي مشان اسافر !! نفسي اروح على الشام و اسهر سهرة شامية قديمة مع اغاني صباح فخري ببيت شامي قديم و اكل امن اكل الشام اللذيذ !! و امشي بشوارع الشام قديمة و اتنفس ياسمين الشام القديم ... او مثلا اروح على لبنان بيروت و اضل العب بالشط و السهر للصبح ههههه .... في مرة كنت بدي اسافر مع صحابي على بيروت و كنت كتير متحمس بس للاسف قبل السفر بنص يوم انا بطلت بدي اطلع .... كانت طلعة شباب من دون بنات و كان كل شي ماشي ممتاز بسس للاسف الشباب رخصو و جابو صاحباتهم معاهم !! و انا اكتر شي بكرهو هو انو يجيبو صاحباتهم انو انا ما عندي حبيبة متل ما كلنا منعرف مشان انا مثلي مشان هيك ما رحح انبسط مشان كل واحد بكون ملهي مع صاحبتو و بتركوني لحالي !!! فلما قلت لصحابي انو انا مو طالع معاهم لهدا السبب كان ردهم انو بتقدر تدفع مصاري لبنت و بتضل معاك 24 ساعة و بتعجب معاها !!! wait a second انا مثلي !!! ههههههه المهم صحابي زعلو مني كتير بس ما عنديي استعداد اطلع و ما انبسط و اذا بدي بقدر اسافر غلى لبنان لحالي و اعجب و اروح على gays night clubs احسنلي من انو اطلع معاهم بهيك وضع .... صح يا شباب ؟؟

يلا شباب ادعولي اسافر قريبا ههههه

يا الله شو شتقتلكم كلكم

شو زمان ما كتبت اشياء على حبيبت قلبي مدونتي !! بس والله كان جهازي خربان و ما بحب اكتب الا من جهازي الخاص .... المهم انتو اشتقتولي ؟؟

هدا الاسبوع كان كتير حلو بالنسبة الي مع انو بالاخر صار زنخ مشني فلوزت و ماكل روح الخل هاهاهاه المهم يا حماعة بهدا الاسبوع عملت كتير اشياء حلوة كان من اهمها اني طلعت على نايت كلب بعمان و ضليت ارقص و طلعت كل الي بقلبي للصبح يا عمي الرقص غير بخليك فرش بس طبعا ما بحكي انا رقص الهبايل انا بحكي عن الرقص الراقي الي ببين رجولة الرجل بس الحلو بالمضوع انو انا بشرب و بكونش شارب بيرة او كحول يعني بكون انا الوحيد الصاحي بكل المحل من اهم الاسباب اني ما بشرب طبعا هو انو حرام و السبب التاني انو بخاف اشرب اروح حاكي للكل اني انا مثلي ولا يعجبني شب اروح احكيلو انا مثلي ة انت عاجبني هههه مش موقف

الشي التاني انو في مهرجان بالاردن يقام كل سنة اسمو مهرجان الاردن .. قمة الجمال و الروعو و التنظيم انا بحب الموسيقى بجميع انواعها بس في الموسيقى الاوركسترا الغربية الجامعة الشرقية بنفس الوقت هاي بموت فيها فلحسن الحظ هاي السنة كان ضمن المهرجان في حفلة لاوركسترا شباب فلسطين و بصراحة هاي الحفلة كانت من اجمل الحفلات الي بحضرها بحياتي بس للاسف وجعتلي قلبي ... خليني احكياكم ليش حلوة و ليش وجعتلي قلبي بس انبلش بالاول بليش حلوة ! مشان كان موقع الحفلة بقلعة عمان هاي قلعة موجودة على جبل و تحتك بكوم كل عمان القديمة الرقيقة الي عبر عنها الماضي و سابها وحيدة بتصارع عمان الجديدة وحدها .. رونق عمان القديمة ببيوتها و شوارعها و بكل سي فيها كام بجنن يعني بتكون انت على هل القلعة و شايف كل عمتن و نسيم و براد الصيف باليل بجنن كان بلف حولي و بعبطني كانو بحكيلي انت انسان محظوظ لانك عايش هاي اللحظة و القلعة االقديمة الشامخة الي بتحسيسك انو الدنيا قديييييييمة الللللله على الاحساس ما احلا و الضواو النيلي الي بعكس على القلعة مع الموسيقى الى بتوشويشك باذنك و بتحكيلك انت انسان اول شي و اخر شي ... انت حر نفسك مهما كان مكانك او زمانك و الاجمل الصحبة الجميلو من اعز اصدقاء و صديقات المدرسة الي دايما حوليك و ما بتركوك لحالك جد كانت من اجمل لحظات حياتي الحمد لله الي خلاني اعيش هل لحظة .... الشي التاني الي وجعني بطني هو الحب الي كان غامر المكانو الحبايب العابطيت بعض و قصص الحب القديمة الي شهدتها القلعة انو حسيت يا ؤيت انا شب ستريت اجي انا و حبيبتي على القلعة بالشتا و الدنيا ليل و معانا راديو قديم و نحط اغاني بتجنن تاخدنا لبعييييد و نضل ماسكين ادين بعض عبل لا تطلع الشمس و اوصلها عل بيت ... بس الواحد بحكي الحمد لله الي جعلو احسن من غيري... صح يا جماعة .... مالي قالبها رومنسية و نكد انا هاهاهاهاهاه

بالمناسبة انا بلشة اكتي رواية جديدة ة ان شاء الله بس اخلصها رح اكتبلكم مقتطفات منها .... بحبكم كلكم

Don't know what to do :(

هذا الملخّص غير متوفِّر. يُرجى النقر هنا لعرض المشاركة.

حلم عابر

اليوم كنت قاعد بالمحاضرة نعسان و زهقان مشان المحاضرة كانت فعلا مملة ! اعدت افكر بالحياة فكرة تاخدني و فكرة توديني لبعيد و احلم بالمستقبل الرائع الذي ينظرني لكنني تذكرت اني مثلي و ان هذه الاحلام هذه كلها مجرد احلام طول ما انا مثلي !! يمكن تفكروني اني متشائم بس مش هيك القصة !

انا اول ما اخلص جامعة بدي اشتغل بشركة بقطر ان الله راد و براتب مغري اول مشطلة راح اصادفها هي الزواج !! انو حيبلشو الاهل " برضاي علي يما تتزوج .... شفتلك بنت بتجنن دارسة و فهمانة الخ الخ الخ.... مالها بنت عمك بتجنن" اكيد كلكم بتعرفو الاسطوانة بس انا مستحيل ارتبط مع بنت بالزواج لانه بكون بظلمها و انا ما بحب اظلم حدا !! اكيد مو بس انا و انتو كمان صح ؟؟

المشكلة التانية الله الكريم بحكي بكتابه " المال و البنون زينة الحياة الدنيا " يعني اطيد نفسي يكون عندي ولد او بنت تملا علاي حياتي بس كيف رح يصير هدا الحكي من غير زواج ؟؟

المشكلة التالتة انو اكتر شي بكرهو بالعالم هو الوحدة يعني ما بدي اكبر و اكون وحيد و يكونو اخواني و اصدقائي تزوجو و التهو بحياتهم و نسيوني !!

بس انا لقيت الحل لكل هاي المشاكل و ان شاء الله اقدر احققها ... و انا من النوع الي بدو شغلة بتحدي حالي و بعملها الحل كالتالي : انو بدي اشتغل بالخليج لمدة 5 سنيين بعدين برجع على الاردن و بكون معاي مبلغ محترم ... اول شي بدي اعملو بدي افتح محل internal design مشان انا بحب المفروشات و التصميم الداخلي او بفتح نادي رياضي بعدين بدي اشتري قطعة ارض صغيرة بعمان القديمة و ابني عليها بيت تصميمي انا و هدا التصميم جاهز من هلا بيت قديم مصفوف بالاحجار القديمة ! بعدين بدي اقدم طلب تبني مشان بدي اتبني ولد او بنت يكونو صغار بالعمر و اعوض فيهم كل الحنان الي عندي هههههه و بعدين يكبرو و يدخلو جامعات و انا اكون ختيار قاعد بهالبيت الي انا بنيتو مبسوط انو ما ظلمت حدا و ما كنت وحيد و عندي ولاد و بنات بجنينو و اهم شي اهم شي اني ما ارتكبت الفعل الحرام " يمكن هاي النقطة في ناس بتختلف فيها معاي انو فعل الشذوذ الجنسي حرام "

بعدين اجا الدكتور و حكالي نيالها الي سارح بجمالها هههههه اخ لو يعرف الحقيقة بس هههههه