الجمعة، 30 يوليو 2010

نفسي اسافر


بتعرفو هلا الصيف شغال و درجة الحرارة بعمام يمكن 40 يعني عم مندوب شوي شوي هههه و كل الناس حولي عم بتسافر و بتروح و بتيجي و كل صحابي مسافرين الا انا !! جد جد نفسي اسافر


احدى الاسباب انو ما عم بقدر اسافر هو المصاري !!! انا طالب جامعة و بشتغل و راتبي يا دوب مكافيني طلعات و مواصلات و بعد نص الشهر بتداين من الوالد مصاري يعني يا دوب يكفيني مصروفي مشان اسافر !! نفسي اروح على الشام و اسهر سهرة شامية قديمة مع اغاني صباح فخري ببيت شامي قديم و اكل امن اكل الشام اللذيذ !! و امشي بشوارع الشام قديمة و اتنفس ياسمين الشام القديم ... او مثلا اروح على لبنان بيروت و اضل العب بالشط و السهر للصبح ههههه .... في مرة كنت بدي اسافر مع صحابي على بيروت و كنت كتير متحمس بس للاسف قبل السفر بنص يوم انا بطلت بدي اطلع .... كانت طلعة شباب من دون بنات و كان كل شي ماشي ممتاز بسس للاسف الشباب رخصو و جابو صاحباتهم معاهم !! و انا اكتر شي بكرهو هو انو يجيبو صاحباتهم انو انا ما عندي حبيبة متل ما كلنا منعرف مشان انا مثلي مشان هيك ما رحح انبسط مشان كل واحد بكون ملهي مع صاحبتو و بتركوني لحالي !!! فلما قلت لصحابي انو انا مو طالع معاهم لهدا السبب كان ردهم انو بتقدر تدفع مصاري لبنت و بتضل معاك 24 ساعة و بتعجب معاها !!! wait a second انا مثلي !!! ههههههه المهم صحابي زعلو مني كتير بس ما عنديي استعداد اطلع و ما انبسط و اذا بدي بقدر اسافر غلى لبنان لحالي و اعجب و اروح على gays night clubs احسنلي من انو اطلع معاهم بهيك وضع .... صح يا شباب ؟؟


يلا شباب ادعولي اسافر قريبا ههههه

هناك 3 تعليقات:

  1. الله يحقق لك امنيتك يارب

    هي سهلة ومش شي كبير يعني بس اصبر هالسنين الشوية واتخرج و اشتغل واعرف كيف ترتب مصاريفك وما تيصير مثلي ايد ورا وايد قدام وراح تقدر تسافر اي مكان في العالم مش الشام بس

    ردحذف
  2. حمستني اتخرج !! يلا هانت وهوووو و اول ما بدس اسافر رح ابعتلك مسج طويلة بالتفصيل الممل عن الرحلة يا فايع انت ... نورت حبيبي

    ردحذف